Mae Canolfan Gwybodaeth Bioamrywiaeth Gorllewin Cymru yn un o bedair Canolfan Gofnodi Leol ac mae’n cwmpasu siroedd Sir Benfro, Ceredigion a Sir Gaerfyrddin (ac eithrio Parc Cenedlaethol Bannau Brycheiniog).

Prif swyddogaeth y cwmni yw casglu, coladu a dosbarthu gwybodaeth am fioamrywiaeth ar gyfer y rhanbarth. Gan reoli cronfa ddata sy’n cynnwys mwy na 4 miliwn o rywogaethau ac sy’n dal i dyfu, ynghyd â chasgliad o wybodaeth am gynefinoedd a safleoedd a warchodir, rydym yn ymateb i geisiadau am ddata gan ein partneriaid, gan gynnwys awdurdodau lleol, cyrff y llywodraeth ac ymgynghorwyr preifat. Rydym hefyd yn cynnal prosiectau amrywiol ac yn cydweithio’n agos â’r gymuned gofnodi.

Mae’r gymuned sy’n gwneud cofnodion biolegol yn hollbwysig i’r cwmni, gan fod rhannu eu cofnodion yn ein galluogi ni i dyfu’r gronfa ddata o wybodaeth am rywogaethau. Mae hyn yn darparu sylfaen dystiolaeth hanfodol i roi bioamrywiaeth wrth galon prosesau penderfynu.

Mae pob un o’r pedair Canolfan Cofnodion Amgylcheddol Leol yng Nghymru yn cydweithio fel consortiwm o dan faner Canolfannau Cofnodion Amgylcheddol Lleol Cymru.