Mae’r Bartneriaeth yn gwahodd unigolion a busnesau preifat, ffermwyr a thyfwyr, llywodraeth leol, gwasanaethau iechyd, addysgwyr ac academyddion, yn ogystal ag elusennau a sefydliadau cymunedol, i gydweithio er mwyn creu strategaeth fwyd gynaliadwy a gwydn ar gyfer pobl Ceredigion.

Rydym yn credu y dylai pawb gael mynediad at fwyd ffres, beth bynnag eu hincwm, ac y gall mwy o’r bwyd hwn gael ei dyfu a’i gynhyrchu yn lleol mewn modd cynaliadwy gan gefnogi bioamrywiaeth, camau i adfer natur ac economi leol lewyrchus.

Ein gweledigaeth yw digonedd o fwyd blasus ar ein cyfer ni heddiw ac ar gyfer cenedlaethau’r dyfodol.